മഴമേഘങ്ങളെ കളിയാക്കി നടന്ന നാളുരിഞ്ഞു കളഞ്ഞു
മുതിരാന്‍ വെമ്പിയോര്‍ നമ്മള്‍......
നമുക്ക്‌ നഷ്ടമായത്‌ നമ്മെ മാത്രമല്ല,
നിറങ്ങള്‍ പൂത്തുനിന്നൊരു വസന്തം കൂടിയാണ്‌...
ഇത്ര നാള്‍ പാടിയതൊക്കെ വെറുതെ ആവുമ്പോലെ....
നാളെ നേരം വെളുക്കുമ്പോള്‍
ഈ ക്യാമ്പസിന്‌ ഞാനും ഒരു പരദേശിയാകും....പഴങ്കഥയാകും!!
നാമുതിര്‍ത്ത സൗഹ്രുദത്തിമിര്‍പ്പിനി ഓര്‍മ്മക്കെട്ടിലേക്ക്‌ പൊതിയണം..
അറിയാത്ത ലോകത്തിലേക്കിനി ഒരുങ്ങിയിറങ്ങേണം...ഒറ്റയ്ക്‌!!
പ്രിയരേ....അല്‍പ്പം തണുപ്പിലിനി തനിയെ നടക്കുമ്പോള്‍
ഊറിച്ചിരിക്കാനൊരു നുള്ള്‌ നന്മ ഞാനെടുക്കുന്നു....
എന്നെന്നും ഇങ്ങനെ ഓര്‍ത്തിരിക്കാന്‍....
നിഴല്‍പ്പാടില്‍ ഞാനെന്‍ ജീവിതം ഉടമ്പടി ചെയ്‌വൂ....
മറവി മൂടാത്ത നേത്രങ്ങളാല്‍ നിങ്ങള്‍ ചിരിക്ക..
3 comments:
ഊറിച്ചിരിക്കാനൊരു നുള്ള്‌ നന്മ ഞാനെടുക്കുന്നു....
ഊറിച്ചിരിക്കാനൊരു നുള്ള്‌ നന്മ ഞാനെടുക്കുന്നു....
നല്ല വരികള്‍
നല്ല വരികൾ
Post a Comment